ساری 1974 كاتەك نێوان حكوومەتی عێراق و سەركردایەتیی كورد تێكچوو، دووبارە شۆڕش هەڵگیرسایەوە، بەشەكی زۆری هونەرمەندانی هەولێر چوونە ڕێزی شۆڕش و بوونە پێشمەرگە، لە شاخ تیپی (شۆڕش)یان دامەزراند و كۆمەرەك بەرهەمیان تۆمار كرد، لە ساری 1974 لە شارۆچكەی گەڵاڵە ئاهەنگەك ساز كرا و ئەم گۆرانیبێژانە بەشدارییان كرد: ڕەسول گەردی، فوئاد ئەحمەد، حەسەن گەرمیانی، عوسمان عەلی، سەڵاح مەجید و عومەر خەزان، ئەندامانی تیپی شۆڕش تەنها هونەرمەندانی شاری هەولێرێ نەبوون، بەركوو هی هەموو شارەكانی دیكەی كوردستانی عێراقی تێدا بوو، تەنانەت هەندێك لە هونەرمەندانی پارچەكانی دیكەی كوردستانیشی تێدا بوو، وەكو محەمەد شێخۆ و محەمەد تەیب تاهیر، پاشان ئەو تیپە چووە گوندی وەسانان و لەوێ گۆرانی یاران وەسیەتمی لۆ كەریم كابانی تۆمار كردبوو.
لەگەر نسكۆی شۆڕشی كورد لە ساڵی 1975 ئەو تیپە هەروەشاوە و زۆربەی ئەندامەكانی گەڕانەوە شوێنی نیشتەجێبوونی خۆیان، هەندەكیان دەستیان بە خوێندن كردەوە و بەشەكیشیان دووبارە تیپی هونەری هەولێریان دروست كردەوە، ئەوانی دیكە چوونەوە ناو كۆمەڵەی هونەر و وێژەی كوردی، لە ساری 1976 گۆرانی (دوورم لە یاران) لۆ قادر زیرەكی و (حەزم لێكردووی) لۆ محەمەد جەزای تۆمار كرا، لە ساری 1977 گۆرانی (شلە خەجێ) لۆ سەڵاح كۆیی و (ئازیزم بەیانی) لۆ ئازاد كەریمی و (شیرنێ و لەیلانێ) لۆ تاهیر تۆفیقی تۆمار كرا، لە ساری 1978 كۆمەرەك گۆرانی ڕەنگاوڕەنگ لە بەغدا وێنەی گیرا، كە لەلایەن (تیپی هونەری هەولێر) ئامادە و تۆمار كرابوون، وەكی (بلوێری شوان) لۆ تەنیا عارەب عوسمانی و (ئۆف سەلام) لۆ ئیبراهیم سابیری، (بابچینە كوێستان، درۆیە گەر بڵێم ئاگام لەخۆیە) لۆ سەڵاح كۆیی و دوو گۆرانی لۆ قادر كابانی و گۆرانییەكیش لۆ مەلا سامانی.
