بەهۆی هاوکاریکردنی هێزەکانی پێشمەرگەوە، فەرمانی دەستگیرکردنی سێ موختار و هاووڵاتییەک دەردەچێت.
لە نووسراوێکی دەستەی لێکۆڵینەوەی تایبەت لە هەولێر، کە لە ١٣/١٢/١٩٦١ دەرچووە، داوای دەستگیرکردنی هاووڵاتییەک و موختاری سێ گوندی کردووە، بە تۆمەتی هاوکاریکردنی پێشمەرگە لە دەستبەسەرداگرتنی بنکەی پۆلیسی ئەرگووش.
ئەو کەسانەی فەرمانی دەستگیرکردنیان بۆ دەرچووە بریتین لە شەمدین ئاغا موختاری گوندی ئەرگووش، محەمەد ئاغا موختاری گوندی بەنان، سەفوە حەسەن موختاری گوندی شیڤی و هاووڵاتیی گوندی شیڤی ئیسماعیل حەسەن.
